Dünən Amerikada proqnozların üzərində açıqlanan Sənaye Sektorunda Biznes Aktivliyi İndeksi göstəriciləri fonunda dollar dünya birjalarında yenidən gücləndi.
Təchizat İdarəetmə İnstitutu (ISM) tərəfindən açıqlanan noyabr ayı məlumatlarına görə, ISM istehsal sənayesi PMI məlumatları əvvəlki aya görə 1.9 bənd artaraq noyabr ayında 48.4 bəndə çatdı.
Bu dövrdə qeydə alınan artıma baxmayaraq istehsal sektorunda daralmanın davam etdiyinə işarə edən indeks üçün proqnozlar göstəricinin 47.7 bənd səviyyəsinə çatacağı yönündə idi.
Noyabrda istehsal indeksi aylıq 0.6 bənd artaraq 46.8 bəndə yüksəldiyi halda, yeni sifarişlər indeksi 3.3 bənd artaraq 50.4 bəndə kimi artıb. Eyni dövrdə məşğulluq indeksi 3.7 bənd artaraq 48.1 bəndəçatıb.
Nəticədə, EUR/USD və GBP/USD məzənnələri müvafiq olaraq 1.0460 və 1.2616 hədlərinə qədər geriləyib. XAU/USD isə 2667.00 - 2630.00 aralığında üfüqi dalğalanır.
Bugün Bakı vaxtı saat 11:00-da Türkiyədə, 11:30-da İşveçrədə İstehlak Qiymətləri İndeksi göstəriciləri dərc olunacaq. Günün ən önəmli xəbəri isə, saat 19:00-da Amerikada dərc olunacaq JOLTS - Boş İşyerləri və Vakansiyalar Hesabatıdır.
Məlumat İnvest-AZ İnvestisiya Şirkətinin analitikləri tərəfindən hazırlanıb.
