Bu gün Bakı Fond Birjasında "BİR KREDİT BOKT" MMC-nin istiqrazlarının yerləşdirilməsi üzrə hərrac keçirilib.

FED.az biznes və maliyyə xəbərləri portalı xatırladır ki, Fond Birjasının (BFB) Listinq Komitəsi "BİR KREDİT BOKT" MMC-nin istiqrazların ticarətə buraxılması üçün “Ticarətə İcazə” qərarı hələ 1 ay əvvəl – 2025-in 3 dekabrında verib. İstiqrazlar üzrə abunə yazılışı isə dekabrın 8-dən başlayıb və bir ay sonra – 2026-cı ilin yanavarın 6-da başa çatıb.

Bu gün – dekabrın 9-da isə AZ2002027731 İSİN kodlu istiqrazların Bakı Fond Birjasında yerləşdirilməsi həyata keçirilib.

Xatırladaq ki, budəfəki hərracda BOKT-un hər birinin nominal qiyməti 100 manat olan ümumilikdə 20 min ədəd istiqrazı satılıb. İstiqrazların ümumi nominal qiyməti 2 milyon manatdır.

1 illik müddətə buraxılan istiqrazların illik gəlirliyi 11,5% olub. Gəlirlilik səviyyəsi digər BOKT-larla müqayisədə o qədər yüksək olmasa da, investorların istiqrazlara böyük marağı müşahidə edilib.

Azərbayanın kapital bazarlarının ən böyük oyunçusu olan   “PAŞA Kapital İnvestisiya Şirkəti” QSC-nin anderrayterliyi ilə keçirilən hərracda "BİR KREDİT BOKT" MMC-nin istiqrazlara 68 investor maraq göstərib və istiqrazlar bütünlüklə yerləşdirilib.

Bu istiqrazlar Bakı Fond Birjasının Standart Bazar Listinq seqmentinə daxil edilib.

İstiqrazlar üzrə məlumat aşağıdakı kimidir: