Silikon Vadisi Bankının (SVB) sürətlə çökməsi və ondan sonrakı problemlər bütün bank sistemi daxilində qiymətləndirilməmiş riski üzə çıxardı. Bu səbəbdən, bütün bank sisteminin qlobal şəkildə yenidən qurulmasının vaxtı çatıb.
FED.az xəbər verir ki, bu barədə The Economist yazır.
SVB-nin sürətlə düşməsi bütün bank sistemində indiyədək düzgün qiymətləndirilməmiş risklərin olduğunu üzə çıxarıb. Faiz dərəcələri aşağı, aktivlərin qiyməti isə yüksək olanda Kaliforniya bankı uzunmüddətli istiqrazlar yığırdı. Daha sonra FED faiz dərəcələrini artırdı və bu, istiqraz qiymətlərinin düşməsinə səbəb oldu və bankı böyük itkilərlə üz-üzə qoydu.
Ümumiyyətlə, bütün dünyada faiz dərəcələrinin artması bankların qeyri-sabitliyinə səbəb olub. Beləliklə, bütün sistemin yenidən qurulmasının vaxtı çatıb.
Nəşr qeyd edib ki, 2023-cü ildə tənzimləyicilər bank sistemini daha təhlükəsiz etməlidir. Xüsusilə, orta ölçülü bankların işini məhdudlaşdıran bir sıra qəribə tədbirlər ləğv edilə bilər. Bundan əlavə, tənzimləyicilər (yəni Mərkəzi Banklar) elə bir rejim yaratmalıdırlar ki, faiz dərəcələrinin artması ilə bağlı mümkün riskləri də nəzərə ala bilsin. Bu, banklar üçün «təhlükəsizlik yastığı»nın zəruri artırılmasına səbəb ola bilər.
Məqalə müəlliflərinin fikrincə, «bufer» kapitalının artırılması ideyası bankların xoşuna gəlməyəcək. Amma, bu cür təhlükəsizliyin öz üstünlükləri var, çünki əmanətçilər son vaxtlar qorxu içərisindədirlər. və vəsaitlərinin təhlükəsiz olduğuna dair zəmanət istəyirlər.
Xatiırladaq ki, martın 17-də Bloomberg dünyanın 166 kredit təşkilatının qiymətli kağızlar üzrə kotirovkalarını təhlil edib. Məlum olub ki, Amerika investisiya bankı SVB və İsveçrənin Credit Suisse-nin dağılmasından sonra qlobal fond bazarında ən yaxşı birja nəticələrini Çinin bankları göstərir. Söhbət Çinin «Bank of China», «Industrial and Commercial Bank of China», «China Construction Bank» və digər iri banklarından gedir.
