2025-ci ilin birinci yarımilində Azərbaycanda aktivlərini ən çox artıran bankların adları məlum olub.
Bankların 30 iyun 2025-ci il tarixinə olan maliyyə hesabatlarına əsasən, aktivlərin artım dinamikasına görə ilk sırada “Bank Respublika” ASC qərarlaşıb. Bankın aktivləri 481 milyon 749 min manat və ya 22,1% artıb.
İkinci yerdə “Ziraat Bank Azərbaycan” ASC gəlir – 147 milyon 406 min manat artımla 16,0%.
“Xalq Bank” ASC 371 milyon 676 min manat artımla (12,1%) üçüncü olub.
Növbəti yerlərdə “Bank of Baku” ASC 110 milyon 678 min manat artımla (11,8%), “Kapital Bank” ASC 1 milyard 341 milyon 848 min manat artımla (11,8%) və “TuranBank” ASC 98 milyon 142 min manat artımla (11,5%) qərarlaşıb.
