Bütün dünyada olduğu kimi, Azərbayanda da bankların gəlirlərinin böyük bir hissəsi kredit portfellərindən əldə etdikləri gəlirlərdən formalaşır.

Bankda kreditin bağlanması arayışı neçəyədir? – BANKLAR, MƏBLƏĞLƏR, SİYAHI

FED.az xəbər verir ki, Azərbaycanın bank sistemində ən iri kredit portfeli ölkənin bank sisteminin lideri olan «Azərbaycan Beynəlxalq Bankına (ABB Bank)» məxsusdur. Bankın kredit portfelinin həcmi 5 milyard manatdan çoxdur.

Kredit portfelinin həcminə görə sonrakı yerləri «Paşa Holdinq»in tərkibində fəaliyyət göstərən banklar: «Kapital Bank» və «Paşa Bank» tutur. Uyğun olaraq «Kapital Bank»ın kredit portfelinin həcmi 4,2 milyard manat, «Paşa Bank»ın isə kredit portfelinin həcmi 2,8 milyard manat təşkil edir.

«XalqBank», «Bank Respublika», «Unibank» və «AccessBank»da kredit potfeli milyard manatdan yuxarıdır.

Bankların kredit portfellərinin şərti gəlirliliyinə gəlincə, 2023-cü ilin nəticələrinə görə, bu sahədə maksimum göstərici - 19,3% «Unibank»a məxsusdur.

Kredit portfeli ən gəlirli olan ikinci bank «Bank of Baku»dur, bankın kredit portfelinin gəlirliyi 18,5%-dir. Bir qədər aşağı göstərici ilə «AccessBank» kredit portfeli gəlirliyi üzrə 3-cü yerdə qərarlaşır – 18,2%.

2023-cü ilin nəticələrinə görə, kredit portfeli digər banklarla müqayisədə ən «səmərəsiz» idarə olunan bank – «Premium Bank» olub. Bankın 472 milyon manatlıq kredit portfeli ona cəmi 27 milyon manat gəlir gətirib ki, bu da 5,7% gəlirlilik deməkdir.