«Fitch» Beynəlxalq reytinq agentliyi «Expressbank» ASC-nin uzunmüddətli reytinqini «B» səviyəsində təsdiqləyib. Reytinq üzrə proqnoz «Sabit»dir.
Eləcə də bax: “Expressbank” 2021-ci ilin ilk rübünü - MƏNFƏƏTLƏ BAŞA VURDU
FED.az xəbər verir ki, Agentliyin bununla bağlı açıqlamasında bildirilir ki, Bankın reytinqi onun kredit qabiliyyətini əks etdirir. Bu göstərici neftdən asılı olan Azərbaycanda əməliyyat mühitindən (iqtisadi vəziyyətdən – FED.az) da asılıdır.
Hesabatda deyilir ki, indiyədək bank 2020-ci ildə baş verən iqtisadi azalmanın təsirini o qədər də ciddi hiss etməyib. Bankdakı böyük kapital buferi aktivlərin dəyərsizləşməsi və aşağı gəlirliliyi qarşılamağa tamamilə kifayət edir.
Reytinqin əsasları
Agentlik bildirir ki, ilkin hesabatlara görə, Bankın problemli kreditləri 2019-cu ilin sonundakı 4%-dən 2020-ci ilin sonunda 15%-ə yüksəlib. Amma dəyərsizləşən kreditlərin 58%-i yaradılan ehtiyatlar hesabına qarşılanıb.
Bankın kredit portfelində mikrokreditlərin və istehlak kreditlərinin payı böyükdür və iqtisadiyyatın dirçəlməsi ilə bu sahələr də dəstək alacaqlar. Yeri gəlmişkən, «Fitch» proqnoz edir ki, 2019-cu ildə 4,3%-lik azalmadan sonra , 2020-ci ildə Azərbaycanda iqtisadi artım 2,5% təşkil edəcək. Bu da bankların, o cümlədən «Expressbank»ın kreditlərinə təzyiqi azaldacaq.
Agentlik bildirir ki, 2020-ci ildə bankın əməliyat gəlirləri idarə olunan aktivlərir 0,8%-ni təşkil edib. Bu göstəriciyə yüksək (12%) faiz marjası dəstək verir ki, bu da son vaxtlar bankın istehlak və mikrokredit bazarına genişlənməsi ilə bağlıdır. Bankın gəlir xərc gəlir nisbəti isə yüksək (70%) olaraq qalır.
Hərçənd 2020-ci ildə ehtiyat ayırmalarından əvvələdək gəlir 5%-ə yüksəlib ki, bu da 2019-cu ilin sonundakı 1%-dən yüksəkdir.
«Fitch» agentliyi bildirir ki, «Expressbank»ın güclü tərəfi onun kapitallaşmasıdır, kapitalın yüksək olması banka mümkün zərərləri «əritmək» imkanı verir.
Ümumi kapitalla bağlı normativlər – 1-ci dərəcəli kapital və ümumi kapital əmsalı normativlərdəki 5% və 9%-ə qarşı müvafiq olaraq 47% və 50% təşkil edir (2021-ci ilin 1-ci rübünə).
Agentliyin hesablamalarına görə, bankın kapitalı ilə bağlı «bufer»i hətta problemli kreditlərin 40%-lik həddinə davam gətirməyə imkan verir.
Agentlik bildirir ki, bankın öhdəliklərinin 65% müştərilərin vəsatiləri, 17%-i dövlət agentlikləri, o cümlədən İpoteka Fondu və 2% Mərkəzi Bank qarşısındadır.
Bankın yüksək likvidli aktivləri böyükdür (müştəri depozitlərinin 80%-i səviyyəsində) və agentlik bildirir ki, likvidlik riskləri bu aktivlərlə qarşılanır.
