2025-ci ilin ilk yarısının yekunlarına əsasən, Azərbaycanın depozit portfelinin həcminə görə ən böyük banklarının adları açıqlanıb.
FED.az bankların 30 iyun 2025-ci il tarixinə olan maliyyə hesabatlarına istinadən hazırladığı renkinqə istinadən xəbər verir ki, 8 bankın depozit portfeli 1 milyard manatı ötüb.
Renkinqə 9 milyard 477 milyon manatla “Kapital Bank” ASC başçılıq edir.
İkinci yerdə 9 milyard 68 milyon manatla “Azərbaycan Beynəlxalq Bankı” (ABB) ASC qərarlaşıb.
“PAŞA Bank” ASC isə 6 milyard 707 milyon manatla ilk üçlüyü tamamlayıb.
Siyahıda növbəti yerləri “Xalq Bank” ASC (1 milyard 835 milyon manat), “Bank Respublika” ASC (1 milyard 429 milyon manat), “Unibank KB” ASC (1 milyard 245 milyon manat), “Azər Türk Bank” ASC (1 milyard 144 milyon manat) və “AccessBank” QSC (1 milyard 66 milyon manat) tutur.
