Aqrar

Azərbaycanda pambıqçılığa həsr olunmuş - MÜŞAVİRƏ KEÇİRİLİB

Azərbaycanda pambıqçılığa həsr olunmuş - MÜŞAVİRƏ KEÇİRİLİB | FED.az
20:37 19 Yan 2021

Kənd Təsərrüfatı Nazirliyinin təşkilatçılığı ilə “Azərbaycan Respublikasında pambıqçılığın inkişafı ilə bağlı 2020-ci ilin yekunları və 2021-ci ildə qarşıda duran vəzifələr” mövzusunda onlayn müşavirə keçirilib. 

Nazirlikdən FED.az-a verilən məlumata görə, onlayn müşavirədə kənd təsərrüfatı naziri İnam Kərimov, Azərbaycan Sənaye Korporasiyasının baş direktoru Kamran Nəbizadə, Meliorasiya və Su Təsərrüfatı ASC-nin sədr müavini Zakir Quliyev, Nazirliyin Aparatı və tabeli qurumlarının əməkdaşları, bu sahədə fəaliyyət göstərən şirkətlərin nümayəndələri və fermerlər iştirak edib. 

Tədbirdə qeyd olunub ki, prezident İlham Əliyev aqrar sahənin inkişafını prioritet istiqamətlərdən biri kimi elan edilib. Son illər görülən işlər nəticəsində pambıqçılıqda da inkişaf başlayıb. 

Həyata keçirilən tədbirlər nəticəsində 2020-ci ildə 2019-cu illə müqayisədə 41 min ton çox pambıq istehsal edilərək 336 min tona çatdırılıb. Məhsuldarlıq isə 2019-cu ilə nisbətən 14 faiz artaraq 33,6 s/ha təşkil edib. 

Müşavirədə cari ildə pambıq istehsalına hazırlıq, qarşıda duran vəzifələr, pambıqçılığın inkişafı və hədəflər müzakirə edilib. Vurğulanıb ki, cari ildə pambıq əkinlərinin vaxtında həyata keçirilməsi, texniki təminat ilə bağlı məsələlərin icra edilməsi və bütün istehsal prosesini əhatə edən dövr üzrə kompleks tədbirlər planı hazırlanıb. 

Müşavirədə deyilib ki, əsas vəzifə intensiv texnologiyalardan istifadə etməklə pambıqçılıqda məhsuldarlığın yüksəldilməsidir. Eyni zamanda, yüksək məhsuldarlıq üçün torpaq və su resurslarından səmərəli istifadə edilməli, növbəli əkin tətbiq edilməlidir. Bundan başqa, aqrotexniki tədbirlərin vaxtında və düzgün yerinə yetirilməsi, torpaq sahələrinin aqrokimyəvi analizinin aparılması, mineral gübrələrdən düzgün istifadə olunması, zərərvericilərə qarşı mübarizə tədbirlərinin vaxtında görülməsinin vacib olduğu vurğulanıb.

Tədbirdə 2021-ci ilin pambıq əkinləri üçün bağlanmış müqavilələr, aparılmış şumun vəziyyəti, texnika, gübrə, toxum, dərman və su təminatı, subsidiyaların verilməsi ilə bağlı məsələlər ətrafında fikir mübadiləsi aparılıb. 

Müzakirələrin sonunda bu formatda görüşlərin davam etdiriləcəyi bildirilib, qaldırılan məsələlərin operativ həlli üçün müvafiq tapşırıqlar verilib.

Azərbaycanda pambıqçılığa həsr olunmuş - MÜŞAVİRƏ KEÇİRİLİB | FED.azAzərbaycanda pambıqçılığa həsr olunmuş - MÜŞAVİRƏ KEÇİRİLİB | FED.az
Banner
Banner

Digər xəbərlər