Banner

Aqrar

Azərbaycanda ilk dəfə “Ağıllı bağ” salınıb – GÜNƏŞ PANELLƏRİ VƏ KOMPÜTERLƏ İŞLƏYİR

Azərbaycanda ilk dəfə “Ağıllı bağ” salınıb – GÜNƏŞ PANELLƏRİ VƏ KOMPÜTERLƏ İŞLƏYİR | FED.az
15:48 14 May 2020

Kənd Təsərrüfatı naziri İnam Kərimov Xaçmaz və Qubada əkin sahələri və meyvə bağlarına baxış keçirib.

FED.az xəbər verir ki, Xaçmaz rayonunda 24 hektarlıq sahədə yeni intensiv bağ salınıb. Bununla da albalı, armud, şaftalı, gilas meyvələrinin əkildiyi müasir tipli bağın sahəsi 76 hektara çatdırılıb. Damcı üsulu ilə suvarılan bu bağlarda işlər tam mexanikləşdirilib. Plastik borulara vurulan su avtomatik olaraq ağaclara verilir. Bu isə öz növbəsində həm vaxt itkisini, həm də su məsrəfinin qarşısını alır.
Daha sonra nazir İnam Kərimov Tərəvəzçilik Elmi-Tədqiqat İnstitutunun Qusarçay təcrübə stansiyasına baş çəkib. 161 hektarlıq nümunəvi təsərrüfatda yüksək məhsuldarlığa və keyfiyyət göstəricilərinə malik, abiotik amillərin mənfi təsirinə, xəstəlik və zərərvericilərə davamlı tərəvəz məhsulları yetişdirilir.
Nazir İnam Kərimov Xaçmaz sort sınaq məntəqəsinin tikinti işlərinin gedişi ilə maraqlanıb, 2500 ton tutumu olan soyuducu anbara baxış keçirib. Azərbaycanda ilk dəfə Qubada müasir texnologiyaların tətbiqi ilə yaradılan “Ağıllı bağ” layihəsi çərçivəsində görülən işlərlə tanış olub. Kənd Təsərrüfatı Nazirliyinin Meyvəçilik və Çayçılıq Elmi-Tədqiqat İnstitutunun “Ağıllı bağ” layihəsi çərçivəsində salınan meyvə bağının becərilməsi tamamilə avtomatlaşdırılıb və kompüter idarəetməsi tətbiq olunub. Qarışıq meyvə bağında alma, armud, heyva, şaftalı və gilas olmaqla, müxtəlif növ meyvə ağacları becərilir. Ən böyük yeniliklərdən biri də odur ki, su mənbəyi üçün qazılan subartezian quyusu Günəş panellərindən alınmış elektrik enerjisi ilə çalışır. “Ağıllı bağ”da günəş, dolu və şaxtaya qarşı örtük sistemi də yaradılıb və mərkəzi xəbərdarlıq sistemi də qurulub. Bu sistem vasitəsilə meyvə bağlarında bitkilərin inkişafı prosesinə nəzarət olunur. Meyvə ağaclarının suya, gübrəyə olan tələbatı, həmçinin zərərverici və xəstəlikləri barədə məlumatlar mərkəzi sistemə ötürülür. Bundan başqa, sistemdə meyvələrin ölçülərinin böyüməsi dinamikası da mütəmadi öz əksini tapacaq.

Daha sonra nazir Meyvəçilik və Çayçılıq Elmi-Tədqiqat İnsititutuna, “Fermer evi”nə, II Nügədi ərazisində yerləşən intensiv bağa baxış keçirib, fermerlərlə fikir mübadiləsi aparıb. Fermerlər bildiriblər ki, dövlətin aqrar sahənin inkişafına verdiyi dəstək insanların kənd təsərrüfatına marağını daha da artırıb.
Kənd Təsərrüfatı naziri jurnalistlərə açıqlamasında bildirib ki, prezident İlham Əliyevin tapşırığı ilə koronavirusun kənd təsərrüfatına təsirinin azaldılması üçün tədbirlər görülür: “Hazırda xüsusi karantin rejiminin tələblərinə ciddi əməl edilməklə bölgələrdə aqrar sektorda fəaliyyət davam etdirilir. Eyni zamanda, həm rayonlararası, həm də şəhərlərarası ərzaq məhsullarının daşınmasında heç bir problem yoxdur”.

Nazir bildirib ki, bu il sahələrdə məhsulun bol olması fermerlərə öz məhsulunu həm daxili bazarlara çıxarmağa, həm də xarici ölkələrə ixrac etməyə imkan verir: “Xüsusi karantin rejimi dövründə kənd təsərrüfatı məhsullarının ixracında heç bir problem yoxdur”.

Azərbaycanda ilk dəfə “Ağıllı bağ” salınıb – GÜNƏŞ PANELLƏRİ VƏ KOMPÜTERLƏ İŞLƏYİR | FED.azAzərbaycanda ilk dəfə “Ağıllı bağ” salınıb – GÜNƏŞ PANELLƏRİ VƏ KOMPÜTERLƏ İŞLƏYİR | FED.azAzərbaycanda ilk dəfə “Ağıllı bağ” salınıb – GÜNƏŞ PANELLƏRİ VƏ KOMPÜTERLƏ İŞLƏYİR | FED.azAzərbaycanda ilk dəfə “Ağıllı bağ” salınıb – GÜNƏŞ PANELLƏRİ VƏ KOMPÜTERLƏ İŞLƏYİR | FED.azAzərbaycanda ilk dəfə “Ağıllı bağ” salınıb – GÜNƏŞ PANELLƏRİ VƏ KOMPÜTERLƏ İŞLƏYİR | FED.az

Digər xəbərlər

Banner