TANAP (Trans-Anadolu Qaz Boru Kəməri) istismara verilən gündən 01 yanvar 2025-ci il tarixinədək Türkiyə və Avropaya 73,54 milyard kubmetr Azərbaycan qazı nəql edib.
FED.az xəbər verir ki, bu barədə SOCAR Türkiyənin baş icraçı direktoru Elçin İbadov Socar Türkiyənin 2024-cü ilin yekunlarına həsr olunan illik ənənəvi mətbuat konfransında bildirib.
Onun sözlərinə görə, TANAP-la nəql edilən qazın ümumi həcmi 73,54 milyard kubmetr təşkil edib ki, bunun da 30,8 milyard kubmetri Türkiyəyə, 42,74 milyard kubmetri isə Avropaya göndərilib.
