2025-ci ilin fevralın 1-nə Azərbaycan banklarının informasiya və rabitə sahəsinə verilmiş biznes kreditlərinin həcmi 623,7 milyon manat təşkil edib.
ED.az bu barədə Mərkəzi Bankın açıqladığı aylıq statistik bülletenə istinadən xəbər verir.
Bu növ kreditlərin həcmi aylıq müqayisədə 12,2 milyon manat (1,9%) azalıb, illik müqayisədə 283,7 milyon manat (83,4%) böyüyüb.
Qeyd edək ki, informasiya və rabitə sahəsinə verilmiş biznes kredit portfeli 2025-ci ilin yanvarın 1-nə 635,9 milyon manat, ötən ilin eyni dövrünə 340 milyon manat təşkil edib.
Xatırlatma üçün bildirək ki, 2025-ci ilin fevralın 1-nə Azərbaycan banklarının cəmi biznes kredit portfeli 14 milyard 709,9 milyon manat təşkil edib.
Biznes kredit portfeli aylıq müqayisədə 77,3 milyon manat (0,5%) kiçilib, illik müqayisədə 1 milyard 797 milyon manat (13,9%) böyüyüb.
Qeyd edək ki, ümumi biznes kredit portfeli 2025-ci ilin yanvarın-nə 14 milyard 787,2 milyon manatın, ötən ilin eyni dövrünə 12 milyard 912,9 milyon manat təşkil edib.