30 dekabr 2016 21:15

"Qazprom" "Türk axını"na 310 mln. avro ayıracaq

Rusiyanın "Qazprom" şirkətinin Direktorlar Şurası "South Stream Transport B.V." şirkətinə 3,5 il müddətinə 310 mln. avro məbləğində kreditin verilməsini dəstəkləyib. APA-Economics TASS agentliyinə istinadən xəbər verir ki, bu vəsait "Türk axını" layihəsinin maliyyələşdirilməsinə yönəldiləcək.

"Qazprom" "Türk axını" inşasına 2017-ci ilin ikinci yarısında başlayacaq. "Qazprom" tərəfindən ayrılan vəsait "South Stream Transport B.V." tərəfindən "Türk axını" layihəsinin xərclərinin maliyyələşdirilməsinə sərf ediləcək. Bu vəsait boru məhsulları və avadanlıqlarının tədarükü, inşaat-montaj işlərinin görülməsi, həmçinin digər məhsul, mal və xidmətlərin alınması və ümumi inzibati xərclər üçün ödənişlərin həyata keçirilməsinə xərclənəcək.

Qeyd edək ki, "Türk axını" layihəsi Rusiya rəhbərliyi tərəfindən 2014-cü ilin dekabr ayında "Cənub axını" layihəsinin əvəzi qismində elan olunub. Layihə Qara dənizin dibi ilə Türkiyənin Avropa hissəsindən Yunanıstan sərhədlərinə qədər uzanacaq.

Layihənin ümumi dəyəri 11,4 mlrd. avrodur.

Paylaş

Şərhlər

Şərh yoxdur

Cavab yaz

Xəbərlərə abunə ol

Xəbərlərə abunə ol və bizim eksklüziv təkliflərimiz emailinizə göndərilsin