16 noyabr 2018 19:07

Sadələşdirilmiş vergiyə cəlb edilən fəaliyyətlərin sayı – ARTIRILIR

Azərbaycanda bəzi fəaliyyət növləri sadələşdirilmiş vergiyə cəlb edilir.
 
FERD.az-ın məlumatına görə, bu, Vergi Məcəlləsinə təklif olunan əlavə və dəyişikliklərlə bağlı qanun layihəsində öz əskini tapıb.
 
ELƏCƏ DƏ BAX: Avtobuslara da aksiz vergisi gəlir
 
Belə ki, iaşə obyektlərində müştərilərə xidmət göstərən fiziki şəxslər (ofisiant), fərdi qaydada bərbər və dərzi fəaliyyəti ilə məşğul olan şəxslər də sadələşdirilmiş vergi ödəyicisi olacaqlar.
 
Ofisiontlar sadələşdirilmiş vergi üzrə aylıq sabit məbləğ - 30 manat, bərbərlər 20 manat, dərzilər 10 manat ödəyəcəklər.
 
Digər dəyişikliyə əsasən isə sadələşdirilmiş vergi (Məcəllənin 218.4-cü maddəsində nəzərdə tutulmuş fəaliyyətlə məşğul olan və 218.1.2-ci maddəsində göstərilən vergi ödəyiciləri istisna olmaqla) təqdim edilmiş mallara bu verginin ödəyicilərinin malların təqdim edilməsindən, işlərin görülməsindən, xidmətlərin göstərilməsindən əldə etdiyi vəsaitin məbləğindən (ümumi hasilatının həcmindən) və satışdankənar gəlirlərdən 2% dərəcə ilə hesablanacaq.
 
Qeyd edək ki, hazırda isə bu vergi Bakı şəhəri üzrə 4%, digər rayonlar və Naxçıvan MR-da 2%-dir.
 

Paylaş
Mənbə

Şərhlər

Şərh yoxdur

Cavab yaz