09 noyabr 2018 19:35

Bəraət alan iş adamının hökmündən – PROTEST VERİLDİ

Prokurorluq külli miqdarda dələduzluqda təqsirləndirilən iş adamı Rasim Cəfərquliyev və lisenziyası ləğv edilən "RoyalBank"ın sabiq əməkdaşı Kərim Əhədin barəsində olan hökmdən kassasiya protesti verib.
 
ELƏCƏ DƏ BAX: İran vətəndaşının 130 minini mənimsəyənə - CƏZA VERİLDİ
 
FED.az-ın məlumatına görə, kassasiya protesti Ali Məhkəməyə daxil olub.
 
Protest hakim İmran Hacıqayıbovun icraatına verilib. Məhkəmənin vaxtı yaxın günlərdə açıqlanacaq.
 
İttiham aktına əsasən, R.Cəfərquliyev SAB, "Sevimli dad", "Min bərəkət" kimi kolbasa və sosiska şatışı ilə məşğul olan şirkətlərdən mal alaraq Bakı və ətraf rayonlarda satırmış. Bu işdə ona qardaşı və tanışı K.Əhəd də kömək edib. R.Cəfərquliyev daha çox qazanc əldə etmək üçün bir neçə tanışını bu işə cəlb edib və depozit qoyaraq onlara da pul qazanmağı təklif edib.
 
Bakı Ağır Cinayətlər Məhkəməsinin hökmü ilə hər iki şəxsə bəraət verilib. Onlar məhkəmə zalından azadlığa buraxılıb. Hökmdən narazı qalan dövlət ittihamçısı apellyasiya protesti verib. Bakı Apellyasiya Məhkəməsi prokurorun apellyasiya protestini təmin etməyib, birinci instansiya məhkəməsinin çıxardığı hökm dəyişdirilmədən qüvvədə saxlanılıb.

Paylaş
Mənbə

Şərhlər

Şərh yoxdur

Cavab yaz