08 noyabr 2018 21:26

“Oksford”da oxumaq istəyənlərə verilən – QƏRİBƏ SUALLAR

Böyük Britaniyanın ən məşhur və keyfiyyətli təhsilə görə fərqlənən Oksford Universiteti tələbə qəbulu zamanı namizədləri müsahibə mərhələsinə dəvət edir.
 
ELƏCƏ DƏ BAX: Doktorantura oxumaq üçün - ƏN SƏRFƏLİ ÖLKƏLƏR
 
Müsahibədə iştirak edən tələbələr isə sualların qəribə və maraqlı olduğunu iddia edirlər.
 
Fins.az Oksford Universitetinə qəbul zamanı müsahibədə namizədlərə verilən suallardan bir neçə nümunə təqdim edir:
 
Biologiya fakültəsinə qəbul zamanı verilən suallar:
 
"Uğur böcəkləri qırmızı rəngdədir. Çiçəklər də həmçinin. Niyə?"
 
"Şirlərin nəslinin tükənməsi hansı təhlükədən xəbər verər?"
 
"Bu, kaktusdur. Kaktus haqqında nələrsə danışın".
 
Ədəbiyyat fakültəsinə qəbul zamanı verilən suallar:
 
"Qısa hekayənin romandan fərqi nədir?"
 
"Sizcə, şeiri anlamaq çətin olmalıdır?"
 
Musiqi fakültəsinə qəbul zamanı verilən suallardan biri:
 
"Əgər yeni musiqi aləti ixtira etməli olsaydınız, səsini nəyə bənzədərdiniz?"
 
Psixologiya fakültəsinə qəbul zamanı verilən suallar:
 
"İnsanların niyə 2 gözü var?"
 
"İnsanlar üçün “normal” sözünün mənası nədir?"
 
Hüquq fakültəsinə qəbul zamanı verilən suallardan biri:
 
"Əgər maşını düzgün yerdə saxlamayanların cəzası ölüm olsaydı və buna görə kimsə qadağan olunan yerdə avtomobil saxlamasaydı, bu hüquq qanunu hesab oluna bilərdi?"
 
Tarix fakültəsinə qəbul zamanı verilən suallardan biri:
 
"Təsəvvür edin, əlimizdə idman sahəsiylə bağlı məlumatlardan başqa keçmişlə əlaqəli heç nə yoxdur. Belə olduğu halda keçmişdən nə qədər informasiya toplaya bilərdik?"

Paylaş

Şərhlər

Şərh yoxdur

Cavab yaz