22 oktyabr 2018 17:10

2019-2022-ci illərdə bank sistemində bu işlər görüləcək

2019-2022- cı illər illər üzrə ölkənin bank sistemində görüləcək işlərin istiqamətləri açıqlanıb. Orta müddətli dövrdə  bank sisteminin inkişaf etdirilməsi, o cümlədən iqtisadiyyatın real sektoruna kredit qoyuluşlarının optimal səviyyədə həyata keçirilməsi, habelə sahibkarlıq subyektlərinin maliyyə resurslarına çıxış imkanları genişləndiriləcək. 

Real sektor təmsilçiləri və banklar arasında əlverişli işgüzar mühitin formalaşdırılması, eləcə də banklar tərəfindən müvafiq layihələrin maliyyələşdirilməsi, banklararası pul bazarının təşviqi məsələləri diqqətdə saxlanılacaq. Bankların maliyyə dayanıqlığının bərpa edilməsi və gücləndirilməsi, qeyri-işlək borclar probleminin həll edilməsi istiqamətində də işlər davam etdiriləcək.  Bank sektorunun restrukturizasiyası proqramı qeyri-işlək borcların tənzimlənməsi üzrə komplementar tədbirlərlə dəstəklənməsi diqqət mərkəzində saxlanılacaq.  Bu yanaşma bankların kapital mövqelərini bərpa etməyə, sağlam kredit tələbini genişləndirməyə, kredit aktivliyini artırmağa və iqtisadi artımı dəstəkləməyə imkan verəcək.

Paylaş
Mənbə

Şərhlər

Şərh yoxdur

Cavab yaz