09 oktyabr 2018 20:12

Beynəlxalq Enerji Agentliyi: Neft bazarı “qırmızı zolağ”a daxil olur

Beynəlxalq Enerji Agentliyi (BEA) neft bazarının “qırmızı zolağ”a daxil olduğunu bildirərək OPEC-i və bu qurumun üzvü olmayan iri neft istehsalçılarını hasilatı artırmağa çağırıb.

FED.az xəbər verir ki, “Bloomberg”in məlumatına görə, bunu BEA-nın icraçı direktoru Fateh Birol bildirib.

“Hamımız bu təhlükəli vəziyyəti dərk etməliyik, çünki neft bazarları “qırmızı zolağ”a daxil olur. Bazarları birgə gücləndirməyə çalışmalıyıq. Ona görə ki, bu gün, sadəcə, istehlakçılar və idxalçılar üçün gələ biləcək xoşagəlməz xəbərlər sabah istehsalçıların özü üçün də gələ bilər.

Dünyanın ən iri neft istehsalçısı olan Səudiyyə Ərəbistanının istehsalı artırmaq qərarını alqışladığını deyən ekspertin fikrincə, buna baxmayaraq, bazarlardakı gərginlik, çox güman ki, bundan sonra da davam edəcək: “Əsas istehsalçılar istehsalı artırmaq üçün müvafiq addımlar atmasa, cari ilin dördüncü rübü hədsiz dərəcədə gərgin keçəcək”.

Paylaş
Mənbə

Şərhlər

Şərh yoxdur

Cavab yaz