09 oktyabr 2018 17:23

AZAL macar şirkəti ilə razılaşdı – GÖRÜŞ 

Oktyabrın 9-da “HungaroControl”-un icraçı direktoru Kornel Szepeşinin (Kornél Szepessy) başçılıq etdiyi nümayəndə heyəti Bakıya işgüzar səfərə gəlmişdir.

 

Azərbaycanda aeronaviqasiya sisteminin fəal inkişafı və innovasiya texnologiyalarının tətbiqini müşahidə edən Avropanın aeronaviqasiya xidməti strukturları AZAL-ın nəzdindəki “Azəraeronaviqasiya” Hava Hərəkəti İdarəsi (AZANS) ilə əməkdaşlığa maraq göstərirlər.

 

Qonaqlar yeni Hava Məkanından İstifadə, Strategiya və İnkişaf üzrə Səmərəlilik Mərkəzi (ASEC) və “Azəraeronaviqasiya” Hava Hərəkəti İdarəsini (AZANS) ziyarət etmişdirlər.

                                               

Səfər zamanı aşağıda sadalanan sahələrdə gələcək əməkdaşlıq məqsədilə bir sıra məsələlər müzakirə olunmuşdur:

 

- HHİ qüllələri üçün konseptual həllərin işlənib hazırlanması; 

- hava məkanının modelləşdirilməsi;

- aeronaviqasiya xidməti personalının təlimi;

- pilotsuz sistemlərin hərəkətinin idarə edilməsi sahəsində tədqiqatlar;

- aeronaviqasiya sahəsində elmi-tədqiqat işləri.

Müzakirələrin yekunlarına əsasən AZANS HHİ-nin Direktoru Fərxan Quliyev və “HungaroControl”-un icraçı direktoru Kornel Szepeşi əməkdaşlıq haqqında Memorandum imzalamışdırlar.

Qeyd edək ki, Macarıstanın aeronaviqasiya xidmətləri təchizatçısı “Hungarocontrol” Macarıstanın hava məkanında və NATO-nun tapşırığı ilə Kosovo yuxarı hava məkanında aeronaviqasiya xidmətini təmin edir, həmçinin hava hərəkətinin idarə edilməsi üzrə heyət təlimləri keçirir və aeronaviqasiya sahəsindəki yenilikləri tədqiq edir.

Paylaş

Şərhlər

Şərh yoxdur

Cavab yaz