24 sentyabr 2018 16:04

Azərbaycanda otel bronlanması 4 dəfə artıb

Azərbaycan turistlər arasında sürətlə populyarlıq qazanan istiqamətlər arasında ilk onluqda yer alıb.

FED.az xəbər verir ki, bu barədə BMT-nin Ümumdünya Turizm Təşkilatının hesabatına istinadən “Bloomberg” agentliyi yazır.

Agentlik qeyd edir ki, Azərbaycanda dünyanın ən iri turizm şirkətlərindən biri “Intrepid Travel” xətti ilə hotel bronlama 322 faiz artıb.

Sürətlə inkişaf edən turizm istiqamətlərinə Türkiyə, Gürcüstan. Makedoniya, İslandiya və digər ölkələr də daxil olub.

Qeyd edək ki, 2018-ci ilin yanvar-iyun aylarında Azərbaycana 189 ölkədən 1,325 milyon nəfər səfər edib. Bu, 2017-ci ilin eyni dövrü ilə müqayisədə 10,2 faiz çoxdur.

Paylaş
Mənbə

Şərhlər

Şərh yoxdur

Cavab yaz