23 iyun 2018 10:54

Bitkoin alanlar peşmandırlar - 6 MİNDƏN DƏ UCUZ OLDU

Dünyanın ən məşhur kriptovalyutası bitkoini qiyməti 2017-ci ilin noyabr ayından ilk dəfə 6 min dollardan aşağı düşüb. Bu barədə FED.az hərracların nəticələrinə əsasən xəbər verir.

20 birja üzrə orta qiyməti hesablayan "CoinMarketCap" portalının məlumatına əsasən kriptovalyuta 9,52% ucuzlaşıb və 6090 dollar təşkil edir.

Kriptovalyutaların həcminə görə ən böyük "Binance" birjasında bitkoin 11,12% ucuzlaşıb və 5970 dollar səviyyəsindədir.

Beləliklə, noyabrın 13-dən ilk dəfə olaraq bitkoinin qiyməti 6 min dollar səviyyəsindən aşağı düşüb.

Ümumiyyətlə, ötən gün kriptovalyuta bazarında kəskin enmə yaşanıb. İlk 100 kriptovalyutanın 97-də qiymətlər azalıb. 66 kriptovalyutanın qiyməti 10-20% aşağı düşüb. Əsas kriptovalyutalardan «Ethereum» 9,7% azalaraq 462 dollar təşkil edib. «Ripple» isə 8,1% ucuzlaşaraq 48 sentə düşüb.

Cəmi 3 kriptovalyutada artım müşahidə edilib. Ən böyük artım «Game.com»da müşahidə edilib – 12,5% bahalaşaraq 16 sentə çatıb.

«Docademic» 4,4% bahalaşaraq 31 sentə, «Tether» isə 0,5% bahalaşaraq 1,01 dollara çatıb. 

Paylaş
Mənbə

Şərhlər

Şərh yoxdur

Cavab yaz