22 iyun 2018 11:48

Nazirlik cərimələri dəfələrlə artırmaq istəyir

"Abşeron yarımadası yarım səhra zonasında yerləşir. Bakıda yaşıllıqların salınması şəhərin ekoloji vəziyyətinin yaxşılaşmasına gətirib çıxarır".

FED.az xəbər verir ki, bunu Ekologiya və Təbii Sərvətlər Nazirliyinin (ETSN) İctimai təşkilatlarla iş, ekoloji maarifləndirmə və elm sektorunun müdiri Umayra Tağıyeva deyib.

O qeyd edib ki, yaşıllıqları dəyərsiz hesab edən, öz şəxsi maraqları üstün tutan sahibkarlar tərəfindən ağaclar kəsilir: "Hələ də ağacların tək-tək, yaxud da kütləvi şəkildə kəsilməsi hallarına rast gəlinir. Yaşıllıqların məhv edilməsinə görə tətbiq olunan cərimələrin miqdarı kifayət qədər deyil. Cərimələrin artırılması lazımdır. Qanunvericilikdə yaşıllıqların məhv edilməsinə görə cərimələrin dəfələrlə artırılması ilə bağlı Nazirlik tərəfindən hökumətə təkliflər hazırlanır".

Paylaş
Mənbə

Şərhlər

Şərh yoxdur

Cavab yaz