25 aprel 2018 19:15

Gürcüstandakı Azərbaycan bankının vəziyyəti məlum oldu 

"PAŞA Bank"ın Gürcüstandakı törəməsi ("PAŞA Bank Gürcüstan") bu ilin yanvar-mart aylarını 871 min lari (595 min manat) xalis mənfəətlə başa vurub. Bu, ötən ilin eyni dövrü ilə müqayisədə 38,9% azdır.

 

FED.az xəbər verir ki, 3 ay ərzində "PAŞA Bank Gürcüstan"ın faiz gəlirləri 4,395 milyon lari (3 milyon manat), faiz xərcləri 1,112 milyon lari (760 milyon manat), qeyri-faiz gəlirləri 820 min lari (560 min manat), qeyri-faiz xərcləri 2,7 milyon lari (1,845 milyon manat), xüsusi ehtiyatlara ayırmaları isə 532 min lari (360 min manat) təşkil edib.

 

Aprelin 1-nə "PAŞA Bank Gürcüstan"ın aktivləri 277,363 milyon lari (189 milyon manat) olub ki, bu da illik müqayisədə 5,2% çoxdur. Bunun 128,057 milyon larisi (87 milyon manatı) müştərilərə verilmiş kreditlərdir. Son 1 ildə Bankın kredit portfeli 21,25% böyüyüb.

 

Hesabat tarixinə "PAŞA Bank Gürcüstan"ın öhdəlikləri isə 171,28 milyon lari (117 milyon manat) təşkil edib ki, bu da illik müqayisədə 6,3% çoxdur. Bunun 57,731 milyon larisi (39 milyon manatı) müştərilərdən alınmış depozitlərdir. Son 1 ildə Bankın depozit portfeli 50,65% böyüyüb.

 

Son 1 ildə "PAŞA Bank Gürcüstan"ın balans kapitalı 3,4% artaraq 106,083 milyon lariyə (72 milyon manat) çatıb. Bankın nizamnamə kapitalı isə dəyişməyərək 103 milyon lari (70 milyon manat) qalıb.

renkinq.az 

 

Paylaş

Şərhlər

Şərh yoxdur

Cavab yaz

Xəbərlərə abunə ol

Xəbərlərə abunə ol və bizim eksklüziv təkliflərimiz emailinizə göndərilsin