14 fevral 2018 12:38

“Unibank”ın rəhbərliyində dəyişiklik olacaq

“Unibank” ASC-nin səhmdarlarının fevralın 22-də keçirilməsi planlaşdırılan ümumi yığıncağının gündəliyinə daha bir məsələ daxil edilib.

FED.az xəbər verir ki, söhbət Bankın Müşahidə Şurasının tərkibində dəyişiklik olunmasından gedir.

Bundan başqa, yığıncaqda “Unibank”ın nizamnaməsinə dəyişiklik edilməsi, Bankın 2017-ci il üzrə auditinin keçirilməsi üçün Xaləddin Cəlal oğlu Əliyevin kənar auditor təyin olunması, xüsusi əhəmiyyətli əqdlər haqqında məsələlər müzakirə ediləcək. Qeyd edək ki, yığıncaq “Unibank”ın Bakı şəhəri, Nəsimi rayonu, Rəşid Bühbudov küçəsi, 55 ünvanında yerləşən baş ofisində olacaq.

Xatırladaq ki, “Unibank” 2002-ci ildə Azərbaycanın iki kommersiya bankı - 1992-ci ildən fəaliyyət göstərən "Mbank" və 1994-cü ildən mövcud olan "Promtexbank"ın birləşməsi ilə yaradılıb. Onun nizamnamə kapitalı 125 686 355,68 manatdır. Bankın səhmlərinin 54,3%-i Almaniyanın İnvestisiya və İnkişaf Korporasiyasının (DEG), eləcə də Avropa Yenidənqurma və İnkişaf Bankının daxil olduğu xarici fiziki və hüquqi şəxslər qrupuna, 45,7%-i isə Müşahidə Şurasının (MŞ) sədri Eldar Qəribovun, MŞ-nın üzvü Emin Quliyevin və İdarə Heyətinin sədri Faiq Hüseynovun daxil olduğu yerli fiziki şəxslər qrupuna məxsusdur.

Paylaş
Mənbə

Şərhlər

Şərh yoxdur

Cavab yaz

Xəbərlərə abunə ol

Xəbərlərə abunə ol və bizim eksklüziv təkliflərimiz emailinizə göndərilsin